Sumqayıtın gənc basketbolçuları finala çıxıblar.
Sumqayit24.az xəbər verir ki, oğlanlar arasında U-12 basketbol liqasının yarımfinal oyunları baş tutub. Bakı İdman Sarayında keçirilən günün ilk oyununda "Sabah" U-12 və NTD U-12 komandaları üz-üzə gəliblər. "Sabah" rəqibinə 42-39 hesabı ilə qalib gələrək ilk finalçı olub.
Günün ikinci oyununda isə gənclər şəhərinin təmsilçisi "Sumqayıt" U-12, "Naxçıvan" U-12 komandasına qarşı oyunda geridönüş edərək 50-49 hesablı qələbəyə sevinib və adını finala yazdırıb.
Yarımfinal oyunlarında qeydə alınan hesablara əsasən "Sabah" və "Sumqayıt" final, "Naxçıvan" və NTD isə 3-cü yer uğrunda oyunlarda iştirak edəcəklər.
Hər iki qarşılaşma 28 may tarixində baş tutacaq.
