Kişi boksçular arasında Azərbaycan çempionatı keçirilir.
Sumqayit24.az xəbər verir ki, bu barədə Azərbaycan Boks Federasiyası məlumat yayıb.
41 komandanın iştirakı ilə təşkil edilən yarışın beşinci günündə yarımfinal görüşləri baş tutub. 57 kq çəki dərəcəsində mübarizə aparan Sumqayıt boksçusu Ömər Aslanlı rəqibi Kamil Babayevi 5:0 hesabı ilə məğlub edib.
Qeyd edək ki, çempionatın final döyüşləri bu gün keçiriləcək. Boks Mərkəzində təşkil olunan yarışın həlledici görüşlərinə saat 11:00-da start veriləcək.
