Sumqayıtda fiziki məhdudiyyətli şəxslər üçün idman məşqləri həyata keçirilib. Bu barədə 5 sentyabr tarixində Dövlət Tibbi-Sosial Ekspertiza və Reabilitasiya Agentliyininə istinadən xəbər veririk.
“İdman et, sağlam qal” adlı layihə çərçivəsində keçirilən idman tədbiri Sumqayıt Bulvarında baş tutub. Burada Reabilitasiya Mərkəzində bərpa-müalicə kursu alan fiziki məhdudiyyətli şəxslər, eləcə də Vətən müharibəsi əlilləri iştirak ediblər.
Layihə Dövlət Tibbi-Sosial Ekspertiza və Reabilitasiya Agentliyi tərəfindən həyata keçirilib. Bu cür tədbirlər mütəmadi olaraq davam etdiriləcəkdir.
