“Sumqayıt” futbol klubunda daha bir ayrılıq gözlənilir.
Sportinfo.az-ın məlumatına görə, “kimyaçılar”ın vidalaşmaq istədiyi futbolçulardan biri də Sərtan Taşkındır. Onun müqaviləsi 2025-ci ilin iyununda başa çatacaq. "Sumqayıt" mövsümün əvvəlində heyətə cəlb etdiyi müdafiəçidən iki səbəbə görə qurtulmaq istəyir.
Əvvəla, klubdan aldığı aylıq maaşın məbləği kifayət qədər yüksəkdir. Ötən mövsümə “Turan Tovuz”da başlayan, bu ilin yanvarında “Manisa”ya keçən, yayda isə yenidən Azərbaycana dönən cinah oyunçusu “gənclik şəhəri” təmsilçisində 10 min manatdan çox aylıq məvacib alır.
Digər tərəfdən, Vaqif Cavadov 27 yaşlı Sərtana çox da güvənmir. Oktyabrda Samir Abasovu əvəzləyən məşqçi millinin sabiq üzvünün əsas heyətdə çıxış etməyə hazır olmadığını düşünür.
