“Sumqayıt” futbol klubu iki oyunçusu ilə müqaviləni yeniləyib. Sumqayıt24 bu haqda klubun rəsmi saytına istinadən xəbər verir.
Məlumata görə, 34 yaşlı müdafiəçi (kapitan) Vurğun Hüseynov ilə 1 illik, 28 yaşlı dayaq yarımmüdafiəçisi (vitse-kapitan) Vüqar Mustafayev ilə isə 3 illik yeni sözləşmə imzalanıb.
Qeyd edək ki, Vurğun Hüseynov "Sumqayıt"ın tarixində ən çox oyun keçirən futbolçudur. 2013-cü ildə debüt edən təcrübəli müdafiəçi ümumilikdə 188 qarşılaşmada meydana çıxıb.
