"Sumqayıt" futbol klubunun 2021/22 mövsümündəki statistikası açıqlanıb. Sumqayıt24 bu haqda “kimyaçılar”ın Facebook səhifəsinə istinadən xəbər verir.
Beləliklə, "Sumqayıt" klubu keçirdiyi 28 qarşılaşmada 5 qələbə, 7 heç-heçə və 16 məğlubiyyətə imza atıb. Bu oyunlarda futbolçularımız 22 qol vurub, öz qapısından isə 46 top buraxıb.
Arxada qalan mövsümdə ən çox çıxış etmiş futbolçular Rüfət Abdullazadə (27 oyun, 1531 dəq.), Höccət Haqverdi (25 oyun, 2250 dəq.), Vüqar Mustafayev (25 oyun, 2202 dəq.) və Cəmaləddin Xocaniyazov (25 oyun, 2111 dəq.) olublar.
Ən çox fərqlənmiş futbolçu adını isə 2 nəfər - Rəhim Sadıxov və Əli Qurbani qazanıblar. Onlar hərəyə 5 qol vurub.
