“Sumqayıt” futbol klubunun daha iki oyunçusu milliyə dəvət olunub. Sumqayıt24 bu haqda AFFA-nın rəsmi saytına istinadən xəbər verir.
21 yaşadək futbolçulardan ibarət Azərbaycan milli komandası Avropa çempionatının seçmə mərhələsində Estoniya yığması ilə görüşəcək. Qarşılaşma 25 mart tarixində Sumqayıtın “Kapital Bank Arena” stadionunda baş tutacaq. 4 gün sonra isə komandamız “Bakcell Arena”da Belarus millisi ilə yoldaşlıq oyunu keçirəcək.
Qeyd etdiyimiz matçlara “Sumqayıt” təmsilçisinin futbolçuları - Səbuhi Abdullazadə və Rüfət Abdullazadə cağırılıblar.
