“Sumqayıt” klubu futbolçusu ilə müqaviləni yeniləyib. Sumqayıt24 bu haqda 15 mart tarixində xəbər verir.
Məlumata əsasən, 21 yaşlı yarımmüdafiəçi Səbuhi Abdullazadə ilə 2025/26 mövsümünün sonuna qədər anlaşma əldə olunub.
Qeyd edək ki, o, futbola 2011-ci ildə “Sumqayıt” Futbol Akademiyasında qədəm qoyub. 15 yaşı olarkən, 2017/18 mövsümündə Premyer Liqada debüt edib (14-cü tur, “Kəpəz” – “Sumqayıt” 0:3; 02.12.2017). Ölkə çempionatında 79 oyun keçirən Səbuhi 1 qola imza atıb. Futbolçu, həmçinin U-15, U-16, U-17, U-19 və U-21 yığmalarının da uğurları üçün çalışıb.
