“Sumqayıt” futbol klubu “Qarabağ”ın qonağı olub. Oyun "Azersun Arena" stadionunda baş tutub. Bu haqda Sumqayıt24 bu gün, 13 may tarixində xəbər verir.
Premyer Liqanın XVI turundan təxirə salınmış matç komandamızın 0-5 hesablı məğlubiyyəti ilə yekunlaşıb. Ağdam klubunun qollarını 4-cü dəqiqədə Filip Ozobiç, 11-ci dəqiqədə Patrik Andrade, 31-ci dəqiqədə İbrahima Vadji, 30 və 52-ci dəqiqələrdə isə Kadi Borges vurub.
Qeyd edək ki, oyundan sonra "köhlən atlar"ın futbolçusu Qara Qarayev “Sumqayıt”ın oyunçusu Dmitri Nağıyevlə mübahisə edib. Daha sonra müdafiəçimiz Vüqar Mustafayev də araya qarışıb. Komanda yoldaşları futbolçuları çətinliklə sakitləşdirib.
