“Sumqayıt” futbol klubu öz meydanında “Neftçi”-ni qəbul edib. Bu barədə Sumqayıt24 xəbər verir.
Matç “Kapital Bank Arena”-da Premyer liqanın 25-ci turu çərçivəsində baş tutub. Görüş qonaqların 2-0 hesablı qələbəsi ilə yekunlaşıb. Braziliyalı Tiaqo Bezerra 12 və 62-ci dəqiqələrdə qapımıza yol tapıb.
Qarşılaşmanın 17-ci dəqiqəsində “kimyaçılar”ın oyunçuları - Cəmaləddin Xocaniyazov kobud oyuna görə qırmızı vərəqə alıb, 72-ci dəqiqədə isə Tellur Mütəllimov zədələnərək meydanı tərk edib.
Qeyd edək ki, ikinci hissənin ortalarında “Sumqayıt”-ın azarkeşlərindən biri AFFA nümayəndəsi Babək Quliyevə yaxınlaşaraq, baş hakim Kamal Umudlu ilə bağlı sərt etiraz edib. Ona digər yerli azarkeşlər də dəstək verib.
Bu zaman 'Neftçi"-nin tərəfdarlarından biri “gənclik şəhəri”-nin fanatları ilə mübahisəyə girib.
Polis əməkdaşları müdaxilə edərək insidentin böyüməsinə imkan verməyiblər.
