“Sumqayıt” futbol klubunun millinin sabiq qolkiperini heyətinə qatacağı gözlənilir. Bu haqda Football-plus.az-a istinadən xəbər veririk.
Əvvəllər də komandamızda forma geyinmiş Andrey Popoviçin “kimyaçılar”la ilyarımlıq müqavilə bağlayacağı deyilir. Onun son klubu Ukraynanın 2-ci liqa təmsilçisi “LNZ Çerkassı”-dır.
Məlumata görə, futbolçu artıq Türkiyədə təlim-məşq toplanışında olan klubundan ayrılaraq Sumqayıta gəlib.
Sumqayıt təmsilçisinin mətbuat katibi Rəşad Məmmədov bu barədə açıqlama verib. Onun sözlərinə görə, Andrey Popoviç klubun maraq dairəsindədir. Onunla müqavilə bağlanacağı halda ictimaiyyətə məlumat veriləcək.
Qeyd edək ki, 30 yaşlı qapıçı ölkəmizin bir neçə komandası ilə yanaşı, Türkiyə və Ukrayna klublarında da çıxış edib.
