"Sumqayıt" futbolçusu ikinci dəfə cərrah bıçağı altına uzanmalı olub.
Sport24.az-ın məlumatına görə, ötən mövsümün əvvəlində zədələnərək oyunlardan və məşqlərdən ayrılan İsa Sulimanın yaşıl meydanlara dönüşü ən azı noyabra qədər təxirə düşüb.
Pakistan millisinin də formasını geyinən mərkəz müdafiəçisi bu yaxınlarda Türkiyədə yenidən dizindən əməliyyat olunub. Buna görə onun geridönüşü yubanır.
Qeyd edək ki, 2023-cü ildən "Sumqayıt"ın formasını geyinən futbolçu mövsümlərarası fasilədə klubla müqaviləsinin müddətini 2027-ci ilin yayına qədər uzadıb.
