Abşeron Olimpiya İdman Kompleksində kapoeyra üzrə Respublika çempionatı keçirilib. Sumqayıt24 bu haqda 5 iyun tarixində Gənclər və İdman Baş İdarəsinə (GİBİ) istinadən xəbər verir.
Ümummilli lider Heydər Əliyevin 100 illik yubileyinə həsr olunmuş yarışa şəhər və rayonların 200-dən çox idmançısı qatılıb. Sumqayıt idmançılarından Yusif İsayev qızıl, Ömər Məlikzadə və Raşid Nursoy gümüş, Ömər Nursoy, Yusif Əbilov və Mehdi Məlikrzazadə isə bürünc medallar qazanıblar.
Qeyd edək ki, idmançıların məşqçisi Etibar İsayevdir.
