"Sumqayıt"ın yolları ayırmağa hazırlaşdığı növbəti legioner Silvanus Nimelidir.
Sportinfo.az-ın məlumatına görə, forvardın çıxışı klubu razı salmayıb. O, meydana çıxdığı 18 matçda cəmi 1 qol vurub.
Amma "Kimyaçılar" üçün liberiyalı legionerdən canını qurtarmaq elə də asan olmayacaq. Çünki tərəflər arasında 2026-cı ilin yayında qüvvədən düşəcək anlaşma var.
Nimelini razı salmaq üçün təzminat ödənilməsi mütləqdir. Əks halda, onun gedişi heç də real görünmür. Çətin ki, futbolçuya bu qədər maaşı hansısa klub versin. Söhbət təxminən 10 min dollar maaşdan gedir.
