Sumqayıt Olimpiya Kompleksində keçirilən kikboksinq çempionatında insident baş verib. Sumqayıt24 bu haqda 29 may tarixində Den.az-a istinadən xəbər verir.
Yarışda münsifin idmançıya qarşı verdiyi qərar hakimi özündən çıxarıb. Nəticədə o, bütün olanlara görə münsif kürsüsündə əyləşən şəxsi təhqir edib. Vəziyyətin getdikcə gərginləşdiyini görən təşkilatçı, “Məhəmmədli” idman klubunun baş məşqçisi, dünya çempionu Bəhruz Çıraqov tərəfləri sakitləşməyə çağırıb. Hakim etiraz olaraq yarışı tərk edib.
Qeyd edək ki, birincilikdə Bakı və regionlardan 160 idmançı mübarizə aparıb. Qaliblərə medal, diplom və kubok təqdim olunub.
