“Sumqayıt” futbol klubu cəzalandırılıb.
Sumqayit24.az xəbər verir ki, AFFA İntizam Komitəsinin növbəti iclası keçirilib. Toplantıda bir sıra qərarlar qəbul olunub. Bunlardan ikisi “kimyaçılar”la bağlıdır.
Belə ki, Misli Premyer Liqasında 16-cı turun “Sumqayıt” – “Neftçi” oyununda “Sumqayıt” komandasında 4 nəfər sarı vərəqə aldığına görə “Sumqayıt” komandası 700 manat cərimə edilib.
Həmçinin “kimyaçılar”ın azarkeşləri tərəfindən kütləvi şəkildə təhqiramiz ifadələr səsləndirildiyinə və bu hal cari mövsümdə ikinci dəfə yaşandığına görə komanda əlavə 500 manat ödəməli olacaq.
