“Sumqayıt” klubu cərimələnib. Sumqayıt24 bu haqda 27 aprel tarixində AFFA-ya istinadən xəbər verir.
İntizam Komitəsi Premyer Liqanın 31-ci turunda qeydə alınan neqativ hallarla bağlı qərarlar verib. “Sumqayıt” – “Qəbələ” qarşılaşmasına təcili tibbi yardım maşını təyin olunan vaxtdan gec gəldiyinə görə, ev sahibləri 400 manat ziyana düşüblər.
Həmçinin görüşdə meydançaya kənar əşyalar atılıb. Bu səbəbdən “kimyaçılar” daha 1600 manat cərimələniblər. Eyni zamanda 6 oyunçusu sarı vərəqə alan “Qəbələ” də 800 manat ödəməli olacaq.
