Sumqayıt komandası boks üzrə Azərbaycan birinciliyində iştirak edib. Sumqayıt24 bu haqda 23 iyun tarixində Abf.az-a istinadən xəbər verir.
Milli Olimpiya Komitəsinin 30 illik yubileyinə həsr olunan yarış Boks Mərkəzində baş tutub. Burada 70 komandanı təmsil edən 369 qız və oğlan idmançı mübarizə aparıb.
Yekun nəticədə hesabında 3 qızıl, 5 gümüş və 1 bürünc medal olan komandamız 49 xalla birinci yeri tutub.
Qeyd edək ki, mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.
