Sumqayıt komandası medal sayına görə respublika şahmat festivalının qalibi olub. Sumqayıt24 bu haqda 31 nömrəli məktəbin Facebook səhifəsinə istinadən xəbər verir.
Turnir Heydər Əliyevin anadan olmasının 99-cu ildönümünə həsr olunub. Qaliblərdən biri sözügedən məktəbin 4C sinif şagirdi Fatimə Mirzəliyevadır. O, 9 turdan 9 xal qazanaraq, qızlar arasında 1-ci yeri tutub.
Məlumata görə, festivalda ümumilikdə 43 rayon (şəhər) üzrə ümumtəhsil məktəblərindən 123 nəfər oğlan, 102 nəfər qız olmaqla 225 nəfər şagird iştirak edib.
