Sumqayıt komandası stolüstü tennis üzrə turnirdə mükafatlandırılıb. Bu haqda 24 aprel tarixində Sumqayıt24 Stolüstü Tennis Federasiyasına istinadən xəbər verir.
Ümummilli lider Heydər Əliyevin 100 illiyinə həsr olunmuş açıq rayon birinciliyi Şabran rayon Uşaq-Gənclər İdman-Şahmat Məktəbinin təşkilatçılığı ilə keçirilib.
2007-2012, 2013-cü il təvəllüdlü və daha kiçik oğlan və qızlar arasında təşkil olunan yarışda Sumqayıt idmançıları ilə yanaşı, Bakı, Qusar və Xaçmaz təmsilçiləri, həmçinin yeniyetmələrdən ibarət seçmə komandanın üzvləri iştirak ediblər.
Ümumilikdə 80 idmançının mübarizə apardığı yarış Sumqayıt komandasının qələbəsi ilə nəticələnib. Şabran stolüstü tennisçiləri ikinci, Bakı idmançıları üçüncü yeri tutublar. Mükafatçılara diplom və medallar təqdim olunub.
