“Sumqayıt” klubu daha bir legionerin üstündən qara xətt çəkib.
Sportinfo.az-ın məlumatına görə, “kimyaçılar” ötən ilin avqustunda sıralarına qatdığı Alan Diasın xidmətində maraqlı deyil. "Gənclik şəhəri" təmsilçisi braziliyalı müdafiəçi ilə imzaladığı 1+2 illik müqaviləni pozmaq niyyətindədir.
25 yaşlı legionerə bununla bağlı xəbərdarlıq olunub. Hazırda tərəflər arasında müvafiq danışıqlar gedir.
Sonuncu klubu Sofiya “Lokomotiv”i olan cənubi amerikalı sözləşməsini ləğv edərsə, bir neçə aylıq təzminat alacaq.
