Sumqayıtda üzgüçülük turniri keçirilib. Bu barədə Sumqayıt24 17 oktyabr tarixində xəbər verir.
Bakı və Sumqayıt İdman və Gənclər İdarələrinin təşkil etdiyi yarış Vətən müharibəsi şəhidlərinin xatirəsinə həsr olunub. Yarışda 52 nəfər idmançı iştirak edib.
Yekun nəticələrə görə Aysu Əsədzadə, Əli Muradlı, Mənsər Kərimli, Rza Səlimli, Ayxan Gülməmmədli, Gülay Bayramlı, Yusif Əsgərli, Məcid Məmmədzadə, Anar Mikayılov, Nuray Hüseynzadə, Əli Əhmədov, Alyoşa Boroday, Canar Vəlizadə turnirdə uğurla çıxış edərək yüksək yerləri tutublar.
Qalib və mükafatçılara hər iki baş idarə tərəfindən müvafiq dərəcəli diplomlar, medallar və xatirə hədiyyələri təqdim olunub.
