“Sumqayıt” futbol klubu öz yetirməsi olan Səbuhi Abdullazadə ilə vidalaşmaq niyyətində deyil.
Bu barədə komandadan Sportinfo.az-a bildirilib. Redaksiyaya verilən məlumata görə, yarımmüdafiəçiyə yeni müqavilə təklif olunub.
24 yaşlı orta sahə oyunçusu bu çağırışı məqbul sayarsa, onunla əməkdaşlığın müddəti daha 3 il uzadılacaq. Üstəlik, sumqayıtlı gəncin məvacibində də artım qeydə alınacaq. O, təqribən 4000 manatın üstündə əməkhaqqı alacaq.
Abdulladlazənin kayerası “Sumqayıt”la bağlıdır. Hazırda onun bir neçə real müştərisi var, “elçilər”in başında Samir Abasov gəlir.
“Kimyaçılar”ın sabiq çalışdırıcısı onu “Neftçi”yə aparmaq üçün bütün əlaqələrini işə salıb.
Keçmiş baş məşqçisinin ona daha çox maaş təklif etməsi səbəbindən, o, “gənclik şəhəri” təmsilçisinin müqaviləni uzatmaq istəyinə bugünədək konkret cavab verməyib.
Səbuhi mövsümün bitməsini gözləyir. Çünki mövcud kontraktı iyunadək qüvvədədir.
