"Sumqayıt" futbol klubunda yaşanan ayrılıq dalğasına özbəklər də qoşulub.
Sportinfo.az-ın məlumatına görə, Cəsurbek Cəloliddinov və Bobir Abdixolikov "kimyaçılar"la vidalaşıb. Cəsurbek zəif çıxışına görə yola salınıbsa, Bobirlə bağlı durum fərqlidir. Klub forvardın qalmasında maraqlı olub. Lakin maaşının yüksək olması ayrılığı qaçılmaz edib. Belədə ikili kollektivlə birdəfəlik sağollaşaraq vətənə yollanıblar.
25 yaşlı yarımmüdafiəçi bu mövsüm meydana çıxdığı 15 oyunda 1 məhsuldar ötürmə ilə yadda qalıb.
Qış fasiləsində Azərbaycan klubuna üz tutan həmyerlisi isə özünü daha yaxşı tərəfdən göstərib.
Abdixolikov meydana çıxdığı 14 matçda adına 4 qol, 3 asist yazdıra bilib.
