“Sumqayıt” - “Qarabağ” matçına sayılı saatlar qalıb.
Sumqayit24.az xəbər verir ki, komandaların ölkə çempionatlarındakı 50-ci dueli Misli Premyer Liqasının 25-ci turunda təsadüf edəcək. “Yubiley ərəfəsi” baş tutan 49 oyunda ağdamlılar böyük üstünlüyə malikdir - 37:7. Qalan 5 matçda heç-heçə qeydə alınıb. Top fərqində isə 99 qolluq üstünlük var – 122-23.
Komandalar arasında keçirilən son 5 oyunun nəticəsi:
16.12.24 - “Qarabağ” - “Sumqayıt” - 5:0;
06.10.24 - “Sumqayıt” – “Qarabağ” - 0:1;
28.04.24 - “Sumqayıt” – “Qarabağ” - 1:0;
25.02.23 - “Qarabağ” - “Sumqayıt” - 2:0;
08.12.23 - “Sumqayıt” – “Qarabağ” - 1:6.
Xatırladaq ki, komandalar bu gün saat 19:30-da M.Hüseynzadə adına Sumqayıt şəhər stadionunda qarşılaşacaqlar.
