Mehdi Hüseynzadə adına Sumqayıt şəhər stadionunun taleyinə aydınlıq gəlib.
Rekord.az-ın məlumatına görə, stadionu tikən İcra Hakimiyyəti onu balansında saxlamaqdan imtina etmişdi. Gənclər və İdman Nazirliyi də maddi məsələni əsas gətirərək, arenanı öz sərəncamına götürməmişdi. Belə olan halda "Sumqayıt" futbol klubu xərcləri qarşılayıb, stadion işçilərinə maaş verirdi. Bir müddət belə davam edirdi və gözlənilirdi ki, stadion tamamilə "Sumqayıt"ın balansına veriləcək.
Lakin ötən həftə stadionun heç kimə verilməyəcəyi və İcra Hakimiyyətinin balansında qalacağı məlum olub.
