“Sumqayıt” futbol klubunun oyununda insident yaşanıb.
Sumqayit24.az xəbər verir ki, “kimyaçılar” AFFA Gənclər Liqasının II turunda Gəncə şəhər stadionunda “Kəpəz”in qonağı olub. Görüşünün 83-cü dəqiqəsində futbolçular arasında dava düşüb.
Meydan sahiblərinin üzvü Nihad İsaqov və qonaqlardan Raul Əliyev bir-birlərinə zərbə endiriblər. Baş hakim hər iki oyunçuya birbaşa qırmızı vərəqə göstərərək meydandan kənarlaşdırıb.
AFFA İntizam Komitəsi insidenti “təcavüzkar davranış” kimi qiymətləndirib və hər iki futbolçuya 3 oyunluq cəza verib. İsaqov və Əliyev Azərbaycanın U-17 və U-18 yığmalarının üzvləridirlər.
Matç “Sumqayıt”ın minimal hesablı qələbəsi ilə yekunlaşıb – 1:0.
