“Sumqayıt” - “Sabah” oyunlarının statistikası açıqlanıb. Sumqayıt24 bu haqda 17 may tarixində Xeberle.com-a istinadən xəbər verir.
Hazırda paytaxt klubu 77 xalla 2-ci, "kimyaçılar" isə 28 xalla 8-ci pillədə qərarlaşıb. Komandalar bunadək ölkə çempionatında 18 dəfə oynayıb. Bu oyunlardan 6-da "Sumqayıt", 9-da "Sabah" qələbə qazanıb, 3 qarşılaşma isə bərabərliklə yekunlaşıb. Topların nisbəti də bakılıların xeyrinədir - 33:19.
"Sumqayıt" son 6 matçı qələbəsiz keçirib, rəqib isə ardıcıl üç dəfə böyük hesabla qalib gəlib.
Qeyd edək ki, klublar bu gün Premyer Liqanın 34-cü turu çərçivəsində üzləşəcək. Oyun "Sabah"ın Türkiyənin "Beşiktaş" komandası ilə keçirdiyi xeyriyyə matçına (3:3) görə təxirə salınmışdı.
