Azərbaycan millisinin futbolçusu Emil Mustafayev karyerasını ölkəmizdə davam etdirəcək.
Sumqayit24.az Ukrayna mətbuatına istinadən xəbər verir ki, 23 yaşlı yarımmüdafiəçi “Polissya”dan ayrılıb.
Orta sahə oyunçusunun növbəti klubu “Sumqayıt” olacaq. Belə ki, onun “gənclik şəhəri” təmsilçisi ilə danışıqlarının yekunlaşdığı bildirilib.
“Sumqayıt” oyunçunu 1 illik icarəyə götürüb. Komanda tezliklə bu keçidi açıqlayacaq.
Qeyd edək ki, “Polissya” ilə müqavilə müddəti 2027-ci ilin yayına qədər olan Emil Mustafayev ilin ilk yarısını icarə əsasında “Çernomorets”də keçirib.
