“Sumqayıt” futbol klubuna avrokuboklarda iştirak üçün lisenziya verilib.
Sumqayit24.az xəbər verir ki, AFFA-nın Lisenziya Komissiyasının iclasında 2025/2026-ci illər mövsümündə UEFA-nın kişilər və qadınlar arasında klub yarışlarında, Misli Premyer Liqasında, I Liqada və AFFA Yüksək Qızlar Liqasında iştirak etmək üçün müraciət etmiş klubların sənədlərinə baxılıb.
AFFA-nın Lisenziya Komissiyası Azərbaycan futbol klublarının lisenziyalaşdırılması üzrə qaydaların (Buraxılış 2024) 9-cu maddəsinə əsaslanan müzakirələrdən sonra aşağıdakıları qərarları qəbul edib:
1. UEFA-nın kişilər arasında keçirilən klub yarışlarında iştirak etmək üçün aşağıdakı klublara lisenziya verilsin:
“Sumqayıt” FK, “Araz-Naxçıvan” PFK, “Qarabağ” FK, “Neftçi” PFK, “Sabah” FK, “Turan Tovuz” PFK İB, “Zirə” PFK.
2. UEFA-nın qadınlar arasında klub yarışlarında iştirak etmək üçün aşağıdakı klublara lisenziya verilsin:
“Sumqayıt” FK, “Neftçi” PFK.
