Sumqayıtda azərbaycanlı gimnastların çıxışları baş tutub. Sumqayıt24 bu barədə 2 sentyabr tarixində Day.az-a istinadən xəbər verir.
Tədbir Sumqayıt Olimpiya İdman Kompleksində keçirilib. Burada bədii gimnastika üzrə 39-cu dünya çempionatında ölkəmizi təmsil edəcək idmançıların çıxışları baş tutub. Əvvəlcə Azərbaycanın Dövlət Himni səsləndirilib. Sonra gimnastlar öz proqramlarını təqdim ediblər. Azərbaycan gimnastlarının çıxışlarının bədiiliyi, zərifliyi, plastikliyi, çevikliyi, ifa texnikası və orijinallığı idman kompleksinin tribunalarında tamaşaçıları heyran edib.
Bolqarıstanın paytaxtında təşkil olunacaq dünya çempionatı 14-18 sentyabr tarixlərində keçiriləcək.
