Sumqayıtda yerləşən General Məhəmməd Əsədov adına İnteqrasiya Təlimli İnternat Tipli Gimnaziyada minifutbol turniri keçirilib.
Sumqayit24.az xəbər verir ki, bu barədə Azərbaycan Futbol Federasiyaları Assosiasiyası (AFFA) məlumat yayıb.
Festival xarakterli təşkil edilən turnirə 40-dan çox şagird cəlb olunub. Onlar futbol oynayıb, maraqlı vaxt keçiriblər. Tədbirin sonunda iştirakçılara AFFA tərəfindən toplar hədiyyə olunub.
Qeyd edək ki, tədbir AFFA-nın dəstəyi və Şimal Regional Futbol Federasiyasının təşkilatçılığı ilə reallaşıb.
