Sumqayıt şəhərində qadın müəllimlər arasında stolüstü tennis turniri keçiriləcək. Bu haqda bu gün, 21 fevral tarixində Edumap.az təhsil portalı məlumat yayıb.
Turnir “Qarabağ NN” stolüstü tennis bazasında 6 mart saat 10:00-da baş tutacaq. Yarışmanı keçirməkdə məqsəd gənc qadın müəllimlər arasında stolüstü tennis qaydalarının təbliğ edilməsi və onların köməyi ilə ölkədə uşaqlar arasında stolüstü tennis oyununa marağın artırılmasına nail olmaqdır. Turnirin qalibləri Azərbaycan Gənc Müəllimlər Assosiasiyası tərəfindən diplom və mükafatlar ilə təltif olunacaqlar.
Turnirə qatılmaq üçün son müraciət tarixi 28 fevral 2022-ci ildir. Maraqlanan şəxslər ətraflı məlumat üçün linkə daxil ola bilərlər.
