Xəzər Universitetinin Sumqayıt Dünya məktəbində şahmat seansı keçirilib. Sumqayıt24 bu haqda 13 may tarixində xəbər verir.
Tədbirdə Xəzər Universiteti və Sumqayıt Dünya məktəbinin rəhbərliyi, deputat, Milli məclisin elm, təhsil və səhiyyə komitəsinin üzvü Müşfiq Məmmədli, İcra Hakimiyyətinin rəsmiləri, beynəlxalq qrosmeysterlər, idman ustaları, media və ictimaiyyət nümayəndələri, müəllimlər, valideynlər və şagirdlər iştirak ediblər.
Universitetin təsisçisi, Direktorlar və Qəyyumlar Şurasının sədri, professor Hamlet İsaxanlı bu il 100 illik yubileyi qeyd olunan Heydər Əliyevin gənclərə göstərdiyi diqqət və qayğını vurğulayıb. Bildirib ki, ulu öndər təhsilin və idmanın inkişafı ilə bağlı daim məqsədyönlü işlər aparıb.
Çıxışçılar - millət vəkili Müşfiq Məmmədli, İcra Hakimiyyətinin rəsmisi Fərman Kazımov, qrosmeysterlər Azər Mirzəyev, Zeynəb Məmmədyarova, Milli Paralimpiya Komitəsinin vitse-prezidenti, cüdoçu İlham Zəkiyev Heydər Əliyevin təhsilin inkişafındakı xidmətlərindən bəhs ediblər.
