“Üzməyi öyrənək” layihəsinin V mərhələsinə start verilib.
Sumqayit24.az xəbər verir ki, Gənclər və İdman Nazirliyi və Azərbaycan Üzgüçülük Federasiyasının birgə əməkdaşlığı ilə keçirilən layihə ölkəmizin 35 şəhər və rayonunda orta məktəblərin 5-ci sinif şagirdlərini əhatə edir.
Sumqayıt, Abşeron, Ağcabədi, Ağdaş, Astara, Balakən, Beyləqan, Bərdə, Cəlilabad, Gəncə, Goranboy, Göyçay, Göygöl, Hövsan, Xaçmaz, İmişli, İsmayıllı, Kürdəmir, Qax, Qəbələ, Quba, Qusar, Lənkəran, Neftçala, Oğuz, Saatlı, Salyan, Şağan, Şəki, Şəmkir, Şirvan, Tovuz Olimpiya İdman Komplekslərində və "Kür" Olimpiya Tədris-İdman Mərkəzində təşkil edilmiş üzgüçülük məşğələlərinə ümumilikdə 1400-dək iştirakçı qatılıb.
Layihənin əsas məqsədi uşaqlara üzməyi öyrətməklə onların sağlamlığını təmin etmək, bu idman növünün təbliği və inkişafına nail olmaqdır.
