"Sumqayıt" futbol klubundan ayrılan Cordan Rezabalanın yeni komandası müəyyənləşib.
Sumqayit24.az xəbər verir ki, ekvadorlu yarımmüdafiəçi karyerasını Meksikada davam etdirəcək. Müqaviləsi başa çatdıqdan sonra "Sumqayıt"dan ayrılan 25 yaşlı hücumameyilli oyunçu II Liqa təmsilçisi "Dorados de Sinaloa" klubuna keçib.
"Dorados de Sinaloa" rəhbərliyi transfer dəyəri təxminən yarım milyon avro olan pleymeykerə böyük ümidlər bəsləyir, həmçinin onun liderliyi ilə komandanın yüksək liqaya vəsiqə qazanacağına inanır.
Qeyd edək ki, Cordan Rezabala 2024-cü ilin əvvəlindən ötən aya qədər "Sumqayıt"ın formasını geyinib.
