“Sumqayıt”la yollarını ayıran Fernando Medeiros keçmiş komandası “Eqnatiya”ya qayıda bilər.
Futbolinfo.az-ın məlumatına görə, Albaniya klubu futbolçunun transferi ilə ciddi maraqlanır. Tərəflər arasında aparılan danışıqlar müsbət nəticələnərsə, keçid yaxın günlərdə baş tuta bilər.
Medeiros bu ilin iyulunda “Sumqayıt”ın heyətinə qoşulub. Onun müqaviləsi 2026-cı ilin iyununda başa çatacaqdı. “Sumqayıt”da o, cəmi 7 oyunda meydanə çıxıb və 1 qol vurub. Braziliyanın “Santos” klubunun yetirməsi olan Medeiros, karyerası boyunca “Botafogo”, “Vila Nova”, “Bahia”, “Portimonense” və “Eqnatiya” kimi komandaların formasını geyinib.
Xatırladaq ki, hazırda millimizin üzvü Zamiq Əliyev də “Eqnatiya”da çıxış edir.
