Yeni baş məşqçisinin adını yaxın günlərdə açıqlayacağı gözlənilən "Sumqayıt" futbol klubu yeni oyunçu cəlb etməsə də, bu yöndə çalışmaları davam etdirir.
Fanat.az-ın əldə etdiyi məlumata görə, "kimyaçılar" 7-8 transfer etməkdə qərarlıdırlar. Bu da dəqiqdir ki, rəhbərlik hazırda komandada olan futbolçulardan heç biri ilə vidalaşmaq niyyətində deyil.
Qeyd edək ki, mövsüm başa çatandan sonra "gənclik şəhəri" təmsilçisini 8 futbolçu tərk edib. Bunlar Vüqar Mustafayev (karyerasını bitirib), Miloş Miloviç, Momo Yansane, Rövlan Muradov, Murad Xaçayev, Elvin Bədəlov, Cəsurbek Cəloliddinov, Bobir Abdixolikovdur.
