Olimpiya növləri üzrə çıxış edən idmançıların sentyabr ayı üçün reytinq cədvəli açıqlanıb. Sumqayıt24 bu barədə 2 sentyabr tarixində Gənclər və İdman Nazirliyinə istinadən xəbər verir.
Cədvəldə adları qeyd olunan idmançıların arasında Sumqayıt təmsilçiləri də var:
- Ağır atlet Nazilə İsmayılova 120 xalla 27-ci pillədədir. O, V İslam Həmrəyliyi Oyunlarında üç bürünc medal qazanıb;
- Digər ağır atletimiz Əli Şükürlü isə 90 xalla 49-cu yeri tutub. V İslam Həmrəyliyi Oyunlarında üç müxtəlif hərəkət üzrə 5-ci yeri tutub;
- Avropa kubokunun qalibi, Böyük dəbilqə turnirinin gümüş medalçısı olan cüdoçu İsmayıl İbrahimovun adı bu reytinqdə 59-cudur. Onun hesabında 85 xal var.
- Cüdoçumuz Rövşən Əliyev isə 68-ci pillədədir. Avropa kubokunda 3-cü, Qran-Pri-də isə 5-ci yeri tutan idmançının hesabında 80 xal var.
- Pəhləvanımız İslam Abbasov da bu reytinqdə yer alıb. Yunan-Roma güləşi üzrə Avropa çempionatında 3-cü olan idmançımız 60 xalla 74-ci pillədədir.
Qeyd edək ki, reytinq xallarının hesablanması Nazirliyin müəyyənləşdirdiyi qaydalara uyğun aparılır.
