Kişi boksçular arasında Azərbaycan çempionatında Sumqayıt idmançılarından 1 qələbə, 2 məğlubiyyət. Yarışa ümumilikdə 100 idmançı qatılıb. Sumqayıt24 bu haqda Azərbaycan Boks Federasiyasının rəsmi saytına istinadən xəbər verir.
İlk öncə, 63,5 kq çəki dərəcəsində şəhərimizi təmsil edən Ramil Məmmədzadə, “Qızıl Əlcək” İK komandasının idmançısı Sərxan Qurbanzadə ilə döyüşüb. Boksçumuz bu mübarizədən inamlı qələbə ilə ayrılıb.
Digər idmançımız, 67 kq çəki dərəcəsində mübarizə aparan Elmir Novruzov gəncəli Rəhman Quliyevə, 71 kq-da döyüşən boksçumuz Mirrahib Məmmədov isə “Naxçıvan” İK-ın təmsilçisi Hüseyn Mustafazadəyə uduzub. Hər iki döyüş 4:1 hesabı ilə yekunlaşıb.
Qeyd edək ki, çempionat yanvarın 15-də yekunlaşacaq. Yarışın ikinci gününün döyüşləri isə saat 15:00-da başlayacaq.
