Sumqayıt idmançıları aerobika gimnastikası üzrə Azərbaycan çempionatı və Bakı birinciliyində iştirak edəcəklər. Sumqayıt24 bu barədə Azərbaycan Gimnastika Federasiyasına istinadən xəbər verir.
Yarış 25 may tarixində Bakı Olimpiya İdman Kompleksində keçiriləcək. Burada Sumqayıt Olimpiya İdman Kompleksi, “Ocaq Sport” klubu, “Zirvə”, “Grasiya” idman klublarından 80 gimnast iştirak edəcək.
Bakı birinciliyində balacalar, uşaqlar, yeniyetmələr və gənclər, Azərbaycan çempionatında isə yeniyetmələr, gənclər və böyüklər yaş kateqoriyalarına aid idmançılar mübarizə aparacaqlar.
Gimnastlar fərdi, qarışıq cütlük, üçlük və qrup proqramında çıxış edəcəklər.
Qiyməti 5 manat təşkil edən biletləri onlayn qaydada https://iticket.az/ saytından və şəhərin kassalarından əldə etmək mümkündür.
