21 yaşadək futbolçulardan ibarət Azərbaycan milli komandasının yekun heyəti müəyyənləşib.
Sumqayit24.az xəbər verir ki, baş məşqçi Ayxan Abbasov Belarus və Monteneqro yığmalarına qarşı keçiriləcək yoldaşlıq görüşləri üçün heyətdə 26 futbolçu saxlayıb.
Onların arasında “Sumqayıt”ın 5 oyunçusu da var. Bunlar Xəyal Fərzullayev, Nadir Orucov, Ayxan Süleymanlı, Sənan Muradlı və Nihad Əhmədzadədir.
Qeyd edək ki, U-21 millimiz toplanış çərçivəsində iyunun 4-də Minskdə yerləşən Baranoviçi şəhər stadionunda Belarusun, iyunun 8-də isə Mehdi Hüseynzadə adına Sumqayıt şəhər stadionunda Monteneqronun müvafiq yaş qrupundan ibarət komandası ilə qarşılaşacaq.
