Rövlan Muradov mövsümün sonu "Sumqayıt" futbol klubunu tərk edəcək.
Sportinfo.az-ın məlumatına görə, təcrübəli yarımmüdafiəçi buradakı durumundan məmnun deyil. 27 yaşlı futbolçu qış fasiləsindən sonra daha çox ehtiyatda qalır. "7 nömrə"yə bir neçə klubdan real təkliflər var. Muradov isə heç bir halda Sumqayıt təmsilçisində qalmaqda maraqlı deyil.
"Qəbələ"nin yetirməsi 2023-cü ildən "Sumqayıt"ın şərəfini qoruyur. Yarımmüdafiəçi bu müddətdə meydana çıxdığı 68 oyunda 6 qol, 12 məhsuldar ötürmə ilə yadda qalıb.
