Maraqlı və gərgin oyunun şahidi olduq.
Sumqayit24.az xəbər verir ki, bunu “Sumqayıt”ın baş məşqçisi Vaqif Cavadov “Kəpəz”ə qarşı Misli Premyer Liqasının 18-ci turun oyunundan sonra keçirilən mətbuat konfransında deyib.
Gənc mütəxəssis komandasından razı olduğunu söyləyib:
“Oyunun əvvəlində futbolçularda özünəinam az idi. Amma buna baxmayaraq yaxşı hücumlarımız oldu. Futbol oynaya bilirik, komanda hücuma çıxmağı bacarır. Sadəcə son nöqtəni qoya bilmədik. Meydança amili, ilin son matçının olması da təsir edə bilər. Bu istəklə oynamaq məni sevindirir. İnanıram ki, bu istəklə, bu oyunla yaxşı işlər görə bilərik. Futbolçularıma təşəkkür edirəm".
Qeyd edək ki, matç qolsuz heç-heçə ilə yekunlaşıb.
