Sumqayıtın cüdo komandası ölkə birinciliyinin ilk üçlüyündə yer alıb. Sumqayıt24 bu haqda Cüdo Federasiyasına istinadən xəbər verir.
Yarış federasiyanın və Gənclər və İdman Nazirliyinin təşkilatçılığı ilə, FHN-nin İdman-Sağlamlıq Mərkəzində gənc cüdoçular arasında keçirilib. Yekunda “Təhsil” Respublika İdman Mərkəzinin Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi turnirdə 2-ci yerdə qərarlaşıb.
Ümumilikdə, Azərbaycan birinciliyində 242 idmançı (220 oğlan, 22 qız) medallar uğrunda mübarizə aparıb.
