Karyerasını başan vuran Vüqar Mustafayevə vəzifə verildi.
Sportinfo.az-ın məlumatına görə, “Sumqayıt” futbol klubunun eks-kapitanı bundan sonra U-21-də çalışacaq. Ayxan Abbasov vaxtilə həm “Zirə“, həm də “Sumqayıt“da rəhbərliyi altında çıxış edən keçmiş yarımmüdafiəçini özünə köməkçi götürüb.
Qeyd edək ki, “Kimyaçılar”ın üzvləri Azərbaycan Premyer Liqasının XXXV turunda evdə “Turan Tovuz”la oyundan (0:1) öncə 31 yaşlı Mustafayev üçün yolasalma təşkil edib.
Futbolçuların yaratdığı dəhlizdən övladları ilə keçən yarımmüdafiəçiyə “Sumqayıt”ın prezidenti Riaf Rəfiyev xatirə plaketi təqdim edib. Onların adından isə Elvin Bədəlovla Murad Xaçayev səbəbkara xüsusi hədiyyə veriblər.
Mustafayev qarşılaşmada topa ilk toxunuşu edib.
