“Sumqayıt” futbol klubunun oyunçusu Ayxan Süleymanlı xarici ölkəyə aparılıb.
Sumqayit24.az xəbər verir ki, 21 yaşadək futbolçulardan ibarət Azərbaycan millisinin kapitanı Almaniyanın Münhen şəhərində əməliyyat olunub.
Sol diz ön çarpaz bağından əməliyyat “Sana Klinik München”də professor, doktor Filipp Niemeyer tərəfindən həyata keçirilib.
Xatırladaq ki, Ayxan U-21 millimizin heyətində Avropa çempionatının seçmə mərhələsi çərçivəsində Bolqarıstan yığması ilə Bakıda keçirilən oyunda (1:1) zədələnib.
