Milli komandaların oyunları ilə əlaqədar yaranan fasilədən faydalanaraq 3 gün istirahət edən "Sumqayıt" futbol klubu məşqlərə başlayıb.
"Kimyaçılar"ın sözçüsü Zaur Xudiyevin Fanat.az-a verdiyi məlumata görə Saşa İliçin çalışdırdığı kollektiv fasilə dönəmində yoxlama oyunu keçirməyəcək:
"Komanda hazırlığa bu gün başlayıb. Fasilə başa çatana qədər gündə bir məşq nəzərdə tutulub. Müdafiəçi Abdul Raşid Mumini zədəsini sağaltmadığı üçün hələ fərdi məşqlə kifayətlənir. Yəqin ki, Mumini ya sabah, ya da birigün komandaya qoşulacaq. Bildiyiniz kimi, Ronaldo Vaskes Dominikan, Rüstəm Əhmədzadə və Səbuhi Abdullazadə isə Azərbaycan millisinin düşərgəsindədirlər. Sınaq matçı planlaşdırılmayıb".
Qeyd edək ki, "Sumqayıt" Misli Premyer Liqasının 8-ci turunda "Karvan-Yevlax"ı qəbul edəcək. Oktyabrın 18-də baş tutacaq matçın start fiti 18:00-da səsləndiriləcək.
