AFFA-nın dəstəyi və Azərbaycan Həvəskarlar Futbol Federasiyasının təşkilatçılığı ilə həvəskar futbolçular arasında keçirilən XXVI Azərbaycan birinciliyinin qalibi müəyyənləşib.
Sumqayit24.az AFFA-nın rəsmi saytına istinadən xəbər verir ki, Bakı, Sumqayıt və müxtəlif rayonlardan ümumilikdə 43 komanda qatılıb.
Ölkə birinciliyinin final oyununda Sumqayıtın komandası olan “Məhəllə Uşaqları” Sabirabad komandası “Marafon” İK ilə üz-üzə gəlib
4:0 hesabı ilə məğlub olan “Məhəllə Uşaqları” yarışda ikinci yeri tutub.
Qeyd edək ki, III yer uğrunda görüşdə “Naftalan Gəncləri” üzərində 4:2 hesablı qələbə qazanan “Tərtər” FK bürünc mükafata yiyələnib.
