“Sumqayıt” futbol komandasının oyunçusu cəzalandırılıb.
Sumqayit24.az xəbər verir ki, AFFA İntizam Komitəsinin iclası keçirilib və AFFA-nın bayrağı altında keçirilən yarışlarla bağlı aşağıdakı qərarlar qəbul olunub.
Gənclər Liqasının “Kəpəz” - “Sumqayıt” oyununda “Sumqayıt”ın futbolçusu Raul Əliyev təcavüzkar davranışa (rəqibi vurduğuna) görə qırmızı vərəqə ilə meydandan kənarlaşdırıldığı üçün 3 oyun cəzalanıb.
Onu da əlavə edək ki, sözügedən matçda “Kəpəz”in futbolçusu Nihad İsaqov da qarşılaşmanın 83-cü dəqiqəsində təcavüzkar davranışa (rəqibi vurduğuna) görə qırmızı vərəqə ilə meydandan kənarlaşdırıldığı üçün 3 oyun cəzalanıb.
